يذكرني القمر

يذكرني القمر ظلك عجب ياللي ظلالك نور ..
وأنا اللي ماعرفت الليل لولا عتمة أهدابك ..
حبستك في السما شمس وعلى وجه السحاب طيور ..
ونخيل باسق يشرب رضاك ويعطش عتابك ..
وجلست أناظرك ما رف لي جفن تقل مسحور ..
أقول أن الجمال أنت وكل العشق باسبابك ..
هقيت اني ملكتك مادريت ان الأماني غرور ..
وأنك في يدي لين انتحابي الوقت واقفا بك ..
سقا الله يوم كان أكبر همومك خاطري المكسور ..
وكنت الضي في عينك وكنت السقم في ثيابك ..
سقا الله يوم كنت الارض أنهار وشجر وقصور ..
ديار نورها من طاقتك وأحلامها بابك ..
عيوني ياشقى عيوني من الجدب الموات البور ..
أراضي مابها الا ماذوى وانهد في غيابك ..
أحبك كان لي قلب يجض من الجفا مقهور ..
وصار اليوم يفرح لو لقى به عذر يشقى بك

وااااااااااااااااااو لساني عجز عن التعبير يا جمانه

شكرا حبيبتي هذا من ذوقك الحلو