قصيدة تدمع لها العين و يبكي لها القلب

زائر

القصيده مؤثرة و أحببت أن تقرأوها
معي وهي لأم تشكي حالها بعد
أن
أهملها ولدها

وين أنت يا حمدان أمـك تناديـك
وراك مـا تسمـع شكايـا وندايـا

يا مسندي قلبي على الدوم يطريـك
ما غبت عن عيني وطيفك سمايـا

هذي ثلاث سنين والعيـن تبكيـك
ما شفت زولك زايـر يـا ضنايـا

تذكر حياتي يوم أشيلـك واداريـك
والاعبـك دايـم وتمشـي ورايـا

ترقد على صوتي وحضني يدفيـك
ما غيرك احداً ساكن فـي حشايـا

واليا مرضت أسهر بقربك و أداريك
ما ذوق طعم النوم صبـح ومسايـا

ياما عطيتك من حنانـي وبعطيـك
تكبـر وتكبـر بالأمـل يـا منايـا

لكن خساره بعتني اليـوم وش فيـك
و أخلصت للزوجه و أنا لي شقايـا

انا أدري انها قاسيـه مـا تخليـك
قالت عجـوزك مـا ابيهـا معايـا

خليتني وسط المصحه و أنا أرجيك
هذا جزا المعـروف وهـذا جزايـا

يـا ليتنـي خدامـة بيـن أياديـك
من شان أشوفك كل يـوم برضايـا

مشكور يا ولدي وتشكر مساعيـك
و أدعـي لـك الله دايـم بالهدايـا

حمدان يا حمـدان امـك توصيـك
أخاف ما تلحق تشـوف الوصايـا

أوصيت دكتور المصحـه بيعطيـك
رسالتـي واحروفهـا مـن بكايـا

وأن مت لا تبخل علـي بدعاويـك
و أطلب لي الغفران وهـذا رجايـا

وأمطر تراب القبر بدموع عينيـك
ما عـاد ينفعـك النـدم والنعايـا
__________________

موضوع: رد الإثنين فبراير 18, 2013 3:12 pm

شكرااااا قصيدة .......... !!!

ربي أجعل الجنة تحتضن أمي كما أحتضنتني في صغر

مع اني قراتها اكثر من مرة لكن نفس الاحسا في كل مرة
بوركت اخي

» متى يبكي القلب..........
» لحظات يبكي فيها القلب
» القلب يبكى والعين تدمع وللروح انين ...
» القلب.......العين.......العقل
» قصيدة من نسج وجدان تلميذ كسول، تراكمت عليه أفكاره فرسم قصيدة بقلمه، فقط للضحك و الترفيه لا أكثر...